Пяточисленные молитвы

Пяточисленные молитвы- благодарственное молитвенное воспоминание болезней-скорбей Божией Матери, сложенное святителем Дмитрием Ростовским.
"Один старец от Богоносных Отцев, стоя на молитве и быв в восторозе, слышал глас Господа нашего Иисуса Христа, глаголющий с Пречистою и Пресвятою Богородицею, Материю Своею, рекши к ней:
-Рцы мне, Мати МОя, колико болезней наибольших, живущи на свете, претерпела еси Мене ради?
И рече Пресвятая:
-Сыне и Боже Мой! Наибольших пять болезней Тебе ради претерпела:

-первая-егда услышала от Симеона Пророка, еже имел еси убиен быти-

-вторая-егда, ищущи Тебе во Иерусалиме через три дня, Тя не видела есмь-

-третья-егда Тя поймана и связана от жидов услышала-

-четвертая-егда Тя на кресте между разбойниками Распятого видела-

пятая-егда Тя видела во гробе пологаема.

И рече к Ней Господь:
-Глаголю Тебе, Мати Моя: аще каждую болезнь Твою на кийждо день прочтет с молитвою Моею, сие есть "Отче наш" и Архангельское обрадование, сие есть "Богородице Дево, радйся"- за первую болезнь дам ему познание грехов и жаление о них-
за вторую-дам ему всех грехов прощение-
за третию-возвращу ему добродетели его, через грехи изгибшия-
за четвертую-напитаю его, при смерти его, Телом и Кровию Моею Божесчтвенною-
за пятую-явлюся ему Сам при смерти его и прииму душу его в живот вечный. Аминь".

Начало к сим молитвам:
Слава Тебе, Христу Богу моему, не погубившему мя грешного со беззаконьми моими, но даже доселе грехом моим потерпевшему. (поклон)
Сподоби, Господи, в день сей без греха сохранитися нам- даруй ми, Господи, да ни словом, ни делом, ни помышлением прогневаю Тя, Создателя моего, но вся дела моя, советы и помышления да будут во славу Пресвятого Имени Твоего.(поклон)
Боже, милостив буди мне, грешному, во всей жизни моей: во исходе моем и по кончине моей не остави мене. (поклон)
Сие падши ниц на земли, глаголи:
Господи Иисусе Христе, Сыне Божий, приими умершаго мя душею и умом. Приими мя грешного, блудника, скверного душею и телом. Отыми неприязнь безстудную и не отврати лица Твоего от мене, не рцы, Владыко:
"не вем, кто еси", но вонми гласу моления моего- спаси мя, яко имеяй множество щедрот и не хощеши смерти грешника, не оставлю же Тя, Создателя моего, и не отступлю от Тебе, дондеже послушаеши мя и даси всем грехом моим прощение, молитв ради Пречистыя Матери Твоея, предстательства честных Небесных сил бесплотных, святого славного Ангела хранителя моего, Пророка же и Предтечи Твоего Крестителя Иоанна, благоволивых Апостол, светлых и добропобедных мученик, преподобных и богоносных отец наших и всех Твоих святых, помилуй и спаси мя грешного. Аминь.
Царю Небесный...Трисвятое...Отче наш...Яко Твое есть Царство и Сила и Слава во веки. Аминь. Богородице дево, Радуйся...
по сем:

Молитва первая:
О, Мати Милосердая, Дево Марие, аз грешный и непотребный раб Твой, воспоминаючи Твоя болезни, егда Ты услышала от Симеона Пророка о немилостивном убиении Сына Твоего, Господа нашего Иисуса Христа, приношу сию Тебе молитву и Архангельское обрадование, приими в честь и память болезней Твоих и умоли Сына твоего,- Господа нашего Иисусу Христа, да дарует ми познание грехов и жаление о них. (поклон)

Молитва вторая

Отче наш..Яко Твое есть Царство... Богородице Дево, радуйся...
О, Богоблаженная и Пренепорочная Откровице, Мати и Дево, приими от мене, грешного и непотребного раба Твоего сию молитву и Архангельское обрадование в честь и память болезни Твоея, егда позабыла Сына Твоего, Господа нашего Иисуса Христа в церкви и три дни Его не видела еси- умоли Его и испроси у Него всех грехов моих прощение и оставление, Едина Благословенная. (поклон)

Молитва третья
Отче наш..Богородице..
О, Мати света, Преблагословенная Дево Богородице, приими от мене, грешнаго и непотребного раба Твоего сию молитву и Архангельское обрадование, в честь и память болезни Твоея егда Сына Твоего, Господа нашего Иисуса Христа, поймана и связана слышала еси. Умоли Его, Да возвратит мне добродетели, через грех изгибшия, да Тя, Пречистая, во веки величаю.(поклон)

Молитва четвертая. Отче наш. Яко Твое есть Царство.Богородице Дево радуйся. О мило-сердия ,Источнице,Дево Богородице, приими от мене,грешнаго и непотребнаго раба Твоего ,сию мопитву и Архангельское обрадование в честь и память болезни Твоея, егда на кресте между разбойники видела еси Сына Твоего,Господа нашего Иисуса Христа,Его же умоли Владычице ,да подаст ми дар милосердия Своего в час смерти моея и да напи-тает мя Телом и Кровию Своею Божественною,да Тя,Заступницу славлю во веки. Поклон.

Молитва пятая. Отче наш. Яко Твое есть Царство. Богородице Дево,радуйся. О надеждо моя, Пречистая Дево Богородице,приими от мене,грешнаго и недостойнаго раба Твоего,сию молитву и Архангельское обрадование в честь и память болезни Твоея,егда видела еси Сына Твоего ,Господа нашего Иисуса Христа,во гробе полагаема,Его же умоли,Владычице,да явится мне в час смерти моея и да приимет душу мою в живот вечный.Аминь.Поклон.

О Премилостивая Дево ,Госпоже Богородице,чадолюбивая Горлице,небеси и земли Самодержавная Царице,любезная Приемнице всех простирающих к Тебе свои мольбы ,печальных Утешительнице,приими от мене ,грешнаго и непотребнаго раба Твоего, пятичисленное мое сие моление ,в нем же воспоминаю земные и небесные Твои радости,умильно вопияша к Тебе сице: Земные радости.Радуйся,Заченшая во чреве без семене Христа Бога нашего.Радуйся, во чреве без болезни Носившая Того.Радуйся,Порождшая чудним смотрением.Радуйся ,Восприимшая от волхов-царей дары и поклонение.Радуйся,яко обрела еси посреди учителей Своего Сына и Бога. Радуйся, яко Рождество Твое преславно из мертвых воста.Радуйся,Видевшая возносящегося Своего Создателя,к Нему же Сама душею и телом восшла еси.Небесные радости.Радуйся, девства ради Своего,паче Ангел и всех Святых Преславная.Радуйся, близ Пресвятыя Троицы Просиявшая.Радуйся, Миротворице наша.Радуйся, Властительнице ,обладающая всеми Небесными Силами.Радуйся, паче всех дерзновение к Сыну и Богу имущая.Радуйся,Милосердая Мати всем,к Тебе,прибегающим.Радуйся,яко Твое веселие во веки не скончается!

И мне,недостойному,по неложному обещанию Твоему, в день исхода моего милостива предстани,да Твоим руководством управлен буду к горнему Иерусалиму,в нем же прославленно царствуеши с Сыном Твоим и Богом нашим. Ему же подобает всякая слава , честь и поклонение со Отцем и с Пресвятым Духом в бесконечные веки веков.Аминь.

От сверных устен моих и от мерзкаго сердца,от нечистаго языка и от души оскверненной приими,Госпоже Царице,сие похваление,Радосте моя. Ппиими,яко же вдовии прияла еси две лепты,и даруй ми принести Твоей благости дар достоин ,о Владычице моя,Пречистая Дево,Небесная Царице,якоже хошеши и волиши. Паче же и научи мя,что ми подобает Тебе,Матери Божией,глаголати к Тебе,Единой грешных Прибежищу и Утешению. Радуйся, Владыцице, да и аз,многогрешный раб Твой,радостно зову Тебе,Всепетой Матери Христа Бога нашего. Аминнь

На Твой пресвятый образ взирая,яко истинную Самую Тя зрю Богородицу, верою сердечною и любовию от души припадаю и поклоняюсь с Предвечным на руку Твоею держимым Младенцем,Господом нашим Иисусом Христом,боголепно почитая и молю Тя со слезами,покрый мя Покровом Твоим от враг видимых и невидимых,Ты бо род человеческий ввела еси в Царство Небесное. Аминь. По сем: Достойно есть яко воистинну блажити Тя Богородицу,Присноблаженную и Пренепорочную и Матерь Бога нашего.Честнейшую Херувим и славнейшую без сравнения Серафим,без истления Бога Слова рождшую,сущую Богородицу Тя величаем. Слава и благодарение Господу за все